google analytics

Friday, March 27, 2020

短評中國電力2019年業績

2019年度的合併總售電量為 83,558,993 兆瓦時,較上年增加 17.75%
收入上升19.8%, 達277.6億元.
公司股東應佔盈利12.84億, 同比上升16.94%
每股盈利0.13人民幣, 派息0.13人民幣.
盈利比我個人預期算是低了, 但盡派盈利卻是超出預期.


值得留意的是損益表上竟然出現了4.26億元的減值損失.
具體原因不清楚,
看分部業績時發現大部分減值都是在水電資產上, 佔了3.9億


若然沒有這筆減值, 業績是可以做得更好的.
自2018以供股收購電廠以來, 公司面對煤價上升,
而上網電價卻被鎖死, 變相是以公司利益為國家經濟做出犧牲

隨後以三供一供股收購清潔能源, 收購作價58.4億
若撇除火電的影響, 2017年公司清潔能源一共賺了14.72億.
而今年是自收購以來首個完整的財年,
撇除火電賺的5.5億, 清潔能源合共賺了18.34億
換言之58.4億的收購只帶來了3-4億元的利潤提振.
還沒計及三供一帶來的攤薄效應.
所以近幾年的股價低迷絕對是有效市場的反映

最新的股東權益是303億, 今年賺了12.8億, ROE只有可憐的4.2%
反觀非控股股東權益有148億, 卻控制了9億的利潤, ROE有6.1%(雖也不算得高)

但另一角度看目前PB只有不到0.5, 反映出折讓巨大.
按理來說, 國家政策有利於清潔能源的發展, 清潔能源往往享有優先發電權.
因此即使中國經濟下行, 對清潔能源的打擊亦不會太大.
個人認為這類股票只適宜極度低殘時買入博反彈, 不宜長渣

利申:有蟹貨

Thursday, March 26, 2020

近期的一些操作

最近幾乎硬食了一個史上最急的跌浪,
組合YTD最低去到-20%, 現時大約是-16.7%.
最大原因是組合中必瘦站, AEON, 領展等一眾收息股大幅下挫.
事後看來, 在「高位」減持, 「低位」補回是更好.
但更重要的是向前看, 檢視一下手上持股, 受疫情影響多大,
而這些影響又是否已price in在股價之中.

操作方面,
早前小注買入VOO,
想不到下跌幅度遠比我想像中大, 於是減慢了溝貨的節奏.

另外首次買入微軟MSFT,
現時微軟在雲計算領域排第二,排於Amazon之後.
個人認為在雲計算的市場足夠容納幾個大的玩家,
因為企業應該會盡量避免Vendor lock-in的風險
這個市場大概未來三至四年仍會以>20%的增速增長,
但估值方面我不太有把握, 趁跌市買少少應該是不錯的選擇. 

港股方面
將一半中國電力換入華潤電力, 
原因之一是中國電力的水力發電佔比較大, 換入對煤價下跌更為敏感的華潤電力
其二是華潤電力收息沒有10%股息稅, 對比其他內電是一大優勢. 

月供股票方面
19年12月減持了一注@28.1
最近補回@23.5,
整體成本拉低到26.27, 以現價23.65計, 蝕約10%




現時組合的現金水平略略低於30%,
對於撈底我個人不會太過心急, 畢竟已從低位反彈了2成.
現時SP500 PE在18.63, 即使經歷了一場恐怖的跌市, 但估值上仍較歷史平均15.78倍為高.
雖說低息環境有助推高整體股市的估值,
但我覺得現水平還沒有反映疫情對經濟造成的打擊,
畢竟到底對經濟造成多大的打擊仍然難以預料,
所以仍然小心為上.

Tuesday, March 10, 2020

價值投資者的魔咒

本博名為價值求知, 除左食個諧音之外, 
亦都因為本人只係投資界的一個新手.
自稱價值投資者無異於行騙, 而且我覺得投機炒賣亦有當中的技巧
與其拘泥於投資風格, 不如認真求知, 增進一下自己財商.

話說進入美股一年多, 估唔到已遇到咁多年都未發生過既熔斷,算係見證住歷史.


呢個時候, 除左個人持股帳面上的損失外, 更會問自己一個問題. 

溝?清倉(止蝕/止賺)?
其實呢個問題真係好難答

先不論市場反應有否overreact, 但疫情的確影響了全球經濟,

而這時候更應該關注對個股的影響.

譬如AAPL, 今年供應鏈出現問題, 可能影響5G手機出貨,

盈利或有機會不如預期.

又譬如必瘦站, 疫情影響下, 根本連街都唔會出, 仲邊得閒去美容


若以DCF作估算, 公司每一年的盈利或會因為呢D不可抗力而有所浮動

最終影響discount出黎個值.

當然我唔係上帝, 我唔會知下年會唔會又有疫情或者下半年蝗蟲會唔會攻擊中國...

所以唯一可以做既就係買入時預留多D安全邊際, 咁佢跌返少少或生意一兩年差D都唔怕.
但不幸買入後先發現根本唔係個件事, 買貴左啦
咁一係認輸走人, 一係等時間慢慢修復個估值(當然前題係公司的本質無變).

你話傻GE, 呢個市場唔係咁玩架啦, 

必瘦站呢D細價股, 明知今年生意唔好仲唔走, 邊個會咁傻
真係冇買盤D人沽起上黎可以沽到1蚊都冇呀.而且佢0.5升上黎, 緊係take profit先
買其他有好勢頭既股票/cash is the king la

我認為呢個講法完全係make sense, 前題係你要估到市場反應

因為生意差佢係可以唔跌, 有時市場太樂觀就會好似見唔到壞消息咁.
又或者市場太悲觀但turn out原來無咁差又可以升。
而我個人就唔會咁做, 因為當初買入係因為收息,
佢只需要每年畀到6厘我就放過佢.
19/20財年我估佢都有0.3盈利一股,如果派9成就有0.27,現價只有2.45,息率超過10厘。
而今年因為有疫情業績肯定好差,
但我預期下半年會陸續恢復,總不可能美容需求永遠消失掛。
上年公司成本人工佔2.9億,市場推廣同折舊加埋1.6億,租金同其他佔2億,總共6.5億。
若收入得返上年一半,即4.5億,咁今年可能蝕2億,換算為每股-0.18






就咁睇市場已price in左今年業績差既因素,仲有幾多下行空間呢?
股票價格就係未來收益既折現,正如股神巴菲特講:
What is a stock? A stock is the same sort of thing. It has a bunch of coupons. It's just they haven't printed the numbers on them yet. And it's your job as an investor to print those numbers on it.
公司既價值唔係一成不變既野黎,會因為外在世界既隨機事件而有所影響。
而作為一個投資者,就需要小心咁衡量付出既價格對比風險回報而言是否吸引。
但太保守又可能陷入無了期的等待,當中仍有很多學習的空間。